Safleoedd gwarchodedig
Yn y Deyrnas Unedig, mae nifer o ddynodiadau cyfreithiol sy’n gwarchod ardaloedd oherwydd eu tirwedd, eu daeareg neu eu bywyd gwyllt arbennig.
Beth yw safleoedd gwarchodedig?
Mae’r rhain yn safleoedd sydd wedi’u gwarchod o dan gyfraith y DU. Mae Parc Cenedlaethol Bannau Brycheiniog yn un dynodiad o’r fath, ond gall ardaloedd llai yn y Parc Cenedlaethol gael un neu fwy o ddynodiadau pellach, sydd â’r bwriad o warchod daeareg neu fywyd gwyllt arbennig.
I gael gwybodaeth am y dynodiadau amrywiol, dewiswch o blith y dolenni isod. Mae mwy o wybodaeth am tirweddau arbennig Cymru ar gael gan Gyngor Cefn Gwlad Cymru.
Ble mae’r rhain?
Gallwch weld map rhyngweithiol o safleoedd gwarchodedig ar wefan Cyngor Cefn Gwlad Cymru. Sylwch, nid yw’r map hwn yn cynnig cydraniad digon uchel ar gyfer ceisiadau cynllunio manwl a bydd angen cadarnhau union leoliad ffiniau gyda swyddfa’r Cyngor Cefn Gwlad yn lleol.
Mae dau ddynodiad yn arbennig o berthnasol: Safleoedd o Ddiddordeb Gwyddonol Arbennig (SoDdGA) sy’n cael eu dynodi yn ôl cyfraith y Deyrnas Unedig, ac Ardaloedd Cadwraeth Arbennig, sy’n cael eu dynodi yn ôl cyfraith Ewrop.
Defnyddiwch y bar llywio ar y chwith i gael mwy o wybodaeth am y ddau ddynodiad allweddol hyn.
