Aberhonddu
Aberhonddu hanesyddol yw canolbwynt prysur y Parc Cenedlaethol.
Strydoedd cul clòs, adeiladau a'u hwynebau Sioraidd a'r basn camlas adferedig - y cyfan yn adrodd hanes oes a fu. Am ychydig o ddiwylliant, ewch i'r Eglwys Gadeiriol sy'n dyddio o'r 12fed ganrif, i Amgueddfa Filwrol Cyffinwyr De Cymru, ac Oriel Gelf ac Amgueddfa Brycheiniog. Mae Aberhonddu'n cynnig sawl lle i fwyta ac aros - Marchnad Ffermwyr Brycheiniog yw'r mwyaf yn yr ardal.
Mae adwerthwyr annibynnol, arbenigol, yn cynnig cynhyrchion unigryw a fforddiadwy gyda gwasanaeth cynnes a chyfeillgar. Mae digonedd o fwydydd organig ac arbenigol lleol ar gael ac mae'n werth chwilota am y rhain. Bydd ymwelwyr mwy mentrus yn mwynhau'r siopau awyr agored, y gallu i hurio beiciau a llwybr beicio Taith Taf o Aberhonddu. Gyda'i theatr broffesiynol a'i sinema annibynnol, ei thafarndai a'i bwytai, a'i chanolfan hamdden ar gyfer diwrnodau diflas, mae rhywbeth i'w wneud bob amser yn y dref farchnad fendigedig hon.
Cewch fwy o wybodaeth am yr ardal o Canolfan Groeso Aberhonddu.
