Sgydiau, Ffosiliau, Fforestydd a Chnuoedd
Mae Cyngor Cymuned Tawe Uchaf a Pharc Cenedlaethol Bannau Brycheiniog wedi cynhyrchu llwybr llafar i helpu ymwelwyr fwynhau Llwybr Sgydiau Nant Llech.
Mae Sgwd Henrhyd yn goron ar frig y dyffryn rhyfeddol hwn, sydd dan berchenogaeth a rheolaeth yr Ymddiriedolaeth Genedlaethol. Cewch grwydro Llwybr y Sgydiau oddi yma hyd at y man lle mae Nant Llech yn ymuno ag afon Tawe yn Aber-craf. Mae cerdded y llwybr i Aber-craf yn cymryd rhyw awr bob ffordd. Gall y llwybr fod yn anwastad, yn wlyb ac yn llithrig, gyda rhai dringfeydd serth. Mae seddi ar hyd y llwybr yn fannau da i orffwys a mwynhau’r dyffryn. CYMERWCH OFAL a chadwch at y llwybrau a reolir bob amser. Mae'r safle hon wedi ei dynodi yn Safle o Ddiddordeb Gwyddonol Arbennig (SoDdGA) felly cymerwch ofal i beidio â difrodi na tharfu ar y bywyd gwyllt yn y dyffryn hardd hwn.
Ar hyd llwybr y rhaeadrau, mae pedwar man gwrando clywedol. Gallwch hefyd eu lawrlwytho neu wrando arnynt isod, felly beth am fwynhau rhith ymweliad â Llwybr Sgydiau Nant Llech:
Rhan un Gwylio Lawrlwytho
Rhan dau Gwylio Lawrlwytho
Rhan tri Gwylio Lawrlwytho
Rhan pedwar Gwylio Lawrlwytho
Cliciwch yma i weld map o'r llwybr llafar. Gallwch hefyd ddarllen sgript o’r llwybr llafar drwy clicio yma.
Bu disgyblion o ysgolion cynradd Aber-craf, Penycae, Caehopkin a Choelbren yn cydweithio i wneud y ffilm fer hon am y llwybr.
Cliciwch yma i weld y ffilm.
CADWCH YN DDIOGEL
Henrhyd yw un o’r sgydiau hawsaf eu cyrraedd yn yr ardal. Mae ymwelwyr yn gyfrifol am eu diogelwch eu hunain. Cadwch at y llwybrau sydd wedi eu rheoli a CHYMERWCH OFAL. Mae’r tir o amgylch y sgydiau yn serth a gall fod yn llithrig.
Ariennir y prosiect hwn yn rhannol trwy Gynllun Datblygu Gwledig Cymru 2007 – 2013 sy'n cael ei ariannu gan yr Undeb Ewropeaidd a Llywodraeth Cynulliad Cymru.
