Gweithgareddau Awyr Agored
Beth am fynd am dro yn nannedd y gwynt cyn ymdrochi mewn bath cynnes haeddiannol, yna ymweld â thafarn y pentref sy’n gweini bwyd lleol ger tanllwyth o dân? Defnyddiwch y ddewislen ar y chwith i ddarganfod y llu o weithgareddau amrywiol sydd ar gael yn y Parc Cenedlaethol.
Cewch fod mor anturus ag y dymunwch gydag arweinwyr arbenigol ar gael i helpu os ydych yn llai hyderus neu’n awyddus i ddysgu sgiliau newydd. Mae lleoedd i hurio neu brynu offer os dymunwch roi cynnig ar ryw weithgaredd, ac mae canolfannau yn Llan-gors a Thaf Bargoed yn cynnig dringo dan do a gweithgareddau eraill. Dilynwch y Côd Cefn Gwlad lle bynnag yr ewch chi.
Teithiau Cerdded Tywysedig
Neu cewch ymuno ag un o’n Teithiau Cerdded Tywysedig a drefnir gan Awdurdod y Parc Cenedlaethol. Mae Cymdeithas Parc Bannau Brycheiniog hefyd yn rhedeg rhaglen o deithiau cerdded tywysedig.
Teithiau Cerdded Hunan-Dywysedig
Mae Awdurdod y Parc Cenedlaethol wedi datblygu cyfres Teithiau cerdded hunan-dywysedig sydd bellach ar silffoedd y Canolfannau Croeso lleol. Am £1 yr un, maent yn gofroddion delfrydol o’ch ymweliad. Mae’r teithiau cerdded sydd ar gael yn cynnwys:
- Pen-y-Fal o’r Fenni
- Glanfa Llanffwyst o’r Fenni
- Pen-y-Fan a Chribyn o Gwm Gwdi
- Cylch y Bannau
- Darganfod Llanymddyfri
- Bro'r Sgydau
- Cynydd a Chwymp Penwyllt
Cofiwch eich bod chi’n cadw’n ddiogel – mae’r gwasanaethau achub yn ardderchog ond mae’n well ganddynt beidio â chael eu galw allan!
Hefyd mae llyfryn Teithiau Cerdded Bywyd Gwyllt lefel isel, o gwmpas rhai o guddfannau mwyaf bendigedig y Parc Cenedlaethol, sydd wedi’u cynllunio i deuluoedd eu mwynhau. Mae Canolfannau Ymwelwyr y Parc Cenedlaethol a Chanolfannau Croeso lleol oll yn cadw detholiad da o gyhoeddiadau cerdded ichi ddewis o’u plith.
Mae Cymdeithas Parc Bannau Brycheiniog hefyd wedi datblygu detholiad o chwe thaith gerdded hunan-dywysedig sy’n gallu cael eu hargraffu am ddim o’i gwefan. Sylwch nid yw’r teithiau cerdded hyn wedi’u trwyddedu gan yr Awdurdod / y Gymdeithas Trwyddedu Gweithgareddau Antur ac maent yn cael eu cynnal yn hollol annibynnol ar Awdurdod y Parc Cenedlaethol.
Mynediad i Gefn Gwlad yng Nghymru
Mae gwefan Cyngor Cefn Gwlad Cymru yn rhoi arweiniad i diroedd a llwybrau sydd ar gael fel arfer ar gyfer i gerddwyr fynd atynt yng Nghymru.
Cewch fwrw golwg hefyd ar map rhyngweithiol y Cyngor Cefn Gwlad o Gymru.
Mynediad at Ddŵr yn y Parc Cenedlaethol
Os hoffech wybod rhagor am gael mynediad at lynnoedd, afonydd, camlesi a chronfeydd dŵr y Parc Cenedlaethol, cewch fwy o wybodaeth yma.
Gweithredoedd Dogfen
- Beth sy'n newydd
-
Mwy o newyddion
Cadwch yn gyfoes gyda newyddion y parc mis yma.
Swyddi GwagManylion swyddi gwag yn y Parc Cenedlaethol
Calendr PwyllgorauManylion cyfarfodydd Pwyllgorau sydd i ddod.
Adroddwch gyrru oddi-ar-y-ffordd anghyfreithlonGallwch adrodd gyrru oddi-ar-y-ffordd anghyfreithlon i'r Heddlu yma.
