Cewch raeadrau anhygoel, ogofâu syfrdanol a’r mynyddoedd uchaf yn Ne Prydain.

Mae haenen ar haenen o  greigiau’n ffurfio Geoparc y  Fforest Fawr – yr hynaf ar y gwaelod, yr ieuengaf ar y brig. Gan i’r holl haenau gael eu gwyro tua’r de ac yna eu plamio i ffwrdd, gallwn weld traws-doriad ohonynt wrth inni deithio trwy’r dirwedd

Mae’n werth cofio i waith pwysig cynnar  yn natblygiad daeareg fel gwyddoniaeth gael  ei gyflawni yn yr ardal hon.  Mae enwau dau o’r is-raniadau pwysicaf o amser daearegol – y Silwraidd a’r Ordoficaidd – yn adlewyrchu’r mapio arloesol a gynhaliwyd gan daearegwyr o’r 19eg Ganrif megis Charles Lapworth a Sir Roderick Impey Murchison yng ngogledd-orllewin y Geoparc.  Daw’r enwau o  lwythau’r Silures a’r Ordoficiaid a frwydrodd mor galed yn erbyn y Rhufeiniaid.